No.7437/2020-2021

Mizoram Sawrkar AH & Vety. Department notification No.D.12016/21/2019-AH&V  dt.14.01.2021 thuchhuahin a tarlan angin Vawk pul hri hlauhawm tak, African Swine Fever (ASF) lakah Mizoram a la him zel a. Khawzawl District-ah pawh District Magistrate-in hmun dang atanga vawk lak luh khapna thupek No.J.12012/1/2019-DC(KZL)  dt.  22.10.2021 leh 8.1.2021 a chhuah tawhte chu mipuiin an zawm that vangin ASF lakah a la him zel niin a lang.

District pakhat atangin District dangah Vawk phurh kual/lak ngaih chang a awm lo thei lova, a chunga tarlan Mizoram sawrkar thuchhuah chuan District pakhat atanga District danga Vawk lak chu a phal  avangin  Khawzawl District chhungah fimkhur taka Vawk lakluh kalpui anih theihna turin Pu Zothanmawia, District Magistrate  chuan Sec 144 CrPC, 1973 (2 of 1974) in thuneihna a pek tlawhchhanin a hnuaia khapna thupek hi Khawzawl District mipuite  zawm turin a chhuah.

1) District dang atanga Khawzawl district chhunga Ran/Vawk phurh tur reng reng chuan an Vawk phurh turte chu State chhunga mi ngei a ni tih finfiahna Village/Local Council lehkha bakah, Veterinary Health Certificate, Veterinary Officer hnen atangin a nei ngei tur a ni.
2) Vawk damlo an awmin District Veterinary Hospital-ah report vat tur a ni.
3) Vawk talhturte’n Vawk hrisel tha chauh an talhin an zuar tur a ni.
4) Vawk vulhtu/neitute’n Vawk damlo an hralh tur a ni lo.
5) Vawk thi reng reng uluk taka phum tur a ni.

He thupek zawm lo te chu thu buai siamsak an ni ang a, IPC Sec. 188 hmangin hrem theih an ni ang. Thupek hian chhuah a nih atanga thla hnih (2) chhung a huam ang.

He thupek hi District Magistrate Seal-a nemnghetin vawiin February  Ni 3, 2021 hian District Magistrate, Khawzawl District chuan hming a ziah hnan a ni. He thupek hian  January Ni 8, 2021 a thuchhuah tawh chu a luahlan nghal a ni.