No.49/2021-2022
Dated Khawzawl, the 7th April, 2021: Mizoram khaw thenkhatah vawk pul hri African Swine Fever (ASF) nia rinhlelh theih turin vawk tam tak an thi tih hriat a ni a. African Swine Fever (ASF) laka Khawzawl District a him zel theihna turin Khawzawl District Magistrate Pu Zothanmawia chuan Sec 144 CrPC, 1973 (2 of 1974) in thuneihna a pek angin a hnuaia khapna thupek hi Khawzawl District mipuite zawm turin a chhuah:
1) District dang atanga Khawzawl district chhunga ran/vawk phurh tur reng reng chuan an vawk phurh turte chu State chhunga mi ngei a ni tih finfiahna Village/Local Council lehkha bakah, Veterinary Health Certificate, Veterinary Officer hnen atangin a nei ngei tur a ni.
2) Vawk damlo an awmin District Veterinary Hospital-ah report vat tur a ni.
3) Vawk talh tur te'n Vawk hrisel tha chauh an talhin an zuar tur a ni.
4) Vawk vulhtu/neitute'n Vawk damlo an hralh tur a ni lo.
5) Vawk thi reng reng uluk taka phum tur a ni.
Thupek chuan Mizoram sawrkar thuchhuah No.D. 12016/21/2019-AH&V dt.14.01.2021 in a phal anga District pakhat atangin district dangah vawk phurh kual/lak ngaih chang a awm pawha fimkhur tak leh dan siamte zawm thlapa kalpui thin turin mipuite a hriattir bawk a ni.
He thupek zawm lo te chu thu buai siamsak an ni ang a, IPC Sec. 188 hmangin hrem theih an ni ang.
He thupek hian chhuah a nih atanga thla hnih (2) chhung a huam ang.
He thupek hi District Magistrate Seal-a nemnghetin vawiin April Ni 7, 2021 hian District Magistrate Pu Zothanmawia chuan hming a ziah hnan a ni.
