4199/2025-2026

Dated Khawzawl, the 28th January, 2026: Mizoram Journalists' Association (MJA) Khawzawl District chuan vawiin khan I&PR Pisa, Khawzawl-ah a vawi khatna atan Annual Conference an hmang a, Pu Lalzara, MIS, DIPRO chuan khuallian niin a hmanpui.

He hun hi Session hnihah then niin, Session khatna hi Pi Lalthlamuani Ralte, President in a kaihruai a, Pu KC Ngurbiakzuala’n hunserh a hmang a ni. Session khatna hi Rorel leh 2026-2028 atana hruaitu thlanna hun atan hman a ni a, Agenda pathum hmangin rorelna hi neih a ni. Session hnihna hi Khawzawl MJA Vice President Pu Lalrotluanga Ralte in kaihruaiin, Secretary report leh Khuallian hnen atangin thusawi ngaihthlak a ni bawk.

Khuallian Pu Lalzara DIPRO chuan MJA te nen thawhhona tha tak an nei chu lawmawm a tih thute, tunlaiah Technology a thang nasa em em a, hemi hmang tangkai thiam tur hian tan lak a ngaih thute, Journalist nih chuan thilhriat duhna leh hriatchian duhna kan neih nasat a tul zia leh media platform hrang hrangte hmang tangkai turin a fuih a, Thubelhchian dawl tak chauh chhuah turte, Information khawn khawm chungchangah te taimak chhuah leh zual tur leh Media leh Jornalism chawikang zel turin a fuih bawk a ni. Media a than ang zela mahni pawh in update ve zel pawimawh a tih thu te bakah hun lo kal zel turah  thawhhona tha tak nei zel turin a sawm nghal a ni.

Khawzawl MJA hi nikum  May ni 23, 2025- khan Pu Lalrambuatsaiha, President, MJA Gen. Hqtrs chuan Khawzawl DC Auditorium-ah a hawng a, Tun dinhmunah hian Khawzawlah hian nitin chhuak chanchinbu pahnih SI*AR leh Khawzawl Times te an awm mek a ni.

Vawiin Conference ah hian hetiang hiang hian kum 2026-2028 atana Khawzawl District MJA hruaitu  tur thlan chhuah an ni.

President : Pu Lalrotluanga Ralte, Khawzawl Times

Vice President : Pi Lalthlamuani Ralte, SIAR Daily

Treasurer : Pu Lalrinhlua Ralte, SIAR Daily

Khawzawl District ah hian MJA Member hi 6 an awm mek a ni. Programme zawh hian chawhlui kilho nghal a ni bawk.