No.7207/2020-2021 

Mizoram sawrkar thuchhuak No.B.13021/101/2020-DMR/Vol-III dated 16.01.2021 kaltlanga Mizoram pawn atanga rawn lut/hawte quarantine dan kalphung tihdanglam anih avangin Pu Lalrohlua, Additional Deputy Commissioner, Khawzawl District chuan Khawzawl District-a hman tur Quarantine kalphung tihdanglam anih thu vawiin January Ni 18, 2021 khan a chhuah. Hei hian order chhuah atanga thu leh awm hma chu a huam ang:

1. India ram hmundang atanga Khawzawl District-a lo haw/lut turte chuan Mizoram an rawn luh hmain mCOVID-19 mobile application mPASS-Flight emaw mPASS-road hmangin an in-register lawk tur a ni.

2. RT-PCR/CB-NAT/TrueNat hmanga test paltlang, Covid-19 Negative certificate darkar 96 aia hlui lo neite chu Quarantine an ngai lo ang a. Negative Certificate hi an awmna khua/veng VLTF kaltlangin emaw bialtu Zonal Officer hnenah a soft copy/thlalak thehluh zel tur a ni.

3. Mizoram atanga zinchhuak, darkar 96 chhunga rawn let leh, entry point-a RAgT negative leh symptom nei lote chu quarantine an ngai lo ang a. Negative Certificate hi awmna khua/veng VLTF kaltlangin emaw bialtu Zonal Officer hnenah a soft copy/thlalak thehluh zel tur a ni. Tin, fimkhur takin mahni inchik (self-monitoring) an ti chhunzawm tur a ni.

4. Europe atanga lo hawte erawh chu sawrkar Quarantine Facility-ah dah an ni ang a, Home Quarantine phal an ni lo ang.

5. Covid-19 positive ni lo emaw, Containment Zone/Area atanga lo kal ni lo, Mizoram chhung District dang emaw khaw dang emaw atanga lokal an nih vang ngawtin tumah lo quarantine tur a ni lo.

A chunga tarlanin a huam loh, Mizoram pawn atanga rawn lutte chu Quarantine kalphung pangngaia khunghran chhunzawm tur an ni.

Attachment

  • Loading attachment...