4209/2025-2026

Dated Khawzawl, the 29th January, 2026: Vawiin khan Khawzawl District-a Rural Development hnuaia Schemes hrang hrang Quarterly Review meeting, chawhma dar 11:00 khan DC Conference Hall, Khawzawlah Bawrhsap Pu K. Vanlalthiana kaihhruainain neih a ni.

District Rural Development Office (DRDO) quarterly review meeting-ah hian Khawzawl RD Block-a RD Schemes hrang hrang - MGNREGA, PMKSY, PMAY-G, MzSRLM, VVP-II hnuaia hmalakna te chu uluk taka thlir ho a ni a; Pu F. Malsawmtluanga, Rural Accounts Officer (RAO) leh Pu Timothy R. Lalhmangaiha, Block Development Officer (BDO) ten schemes hrang hrang hnathawhte PowerPoint presentation hmangin an sawifiah a ni. Khawzawl RD Block huamchhungah hian khaw 38 awmin Job Card holder hi mi 8,688 (Oct – Dec 2025) an awm mek a, Tun Kum kal mek 2025-2026 a hna awm zat 1,076 atangin review meeting neih thlenga hnathawh zawh tawh hi 940 a ni. Mizoram RD block zingah work completion-ah a titha ber nihna an hauh mek bawk a ni.

Bawrhsap Pu K. Vanlalthiana chuan ram leh khawtlang tana an hnathawh chu ropuiin lawmawm a tih thu a sawi a, thawhhona tha tak nen taima leh zuala hnathawk zel tur leh eng scheme pawh tha taka thawk zel turin a fuih a, an hnathawhna kawngah leh service chungchangah harsatna an neih chuan DC Office-ah thlen hreh lo turin a chah bawk a ni.