No.4175/2021-2022

Aizawl, 3rd March, 2022: Khawpuia cheng mahni puala chenna in neilote tana insak tanpuina Scheme, Pradhan Mantri Awas Yojana-Housing for All (PMAY-HFA) kaltlanga hamthatna dawng tur thlangtu District Screening Committee on PMAY-Housing for All (Urban), Khawzawl District chu vawiin khan an Chairman Pu C.C. Lalchhuangkima, District Bawrhsap ni bawk hovin DC Conference Hall-ah an thukhawm. 

He hunah hian Member Secretary Pu Ngurthansanga, DUDO Khawzawlin Housing For All (HFA) chungchang sawizauna a nei a, thutkhawm a nih chhante a sawifiah hmasak hnuah inrawnkhawmna neih a ni.

Meeting-ah hian HFA hamthatna dawng tura Khawzawl District atana lo thlan tawh mi 67 te,  document felfai neilo leh chhan dangte avanga Management Information System (MIS) portal-a thun theih lohte thlakna tur mi 67 dang ruat dan turte sawihoa ngaihtuah a ni a. Khawzawl atangin 45, Biate atangin 15 leh Khawhai atangin 7, an vaiin mi 67 te thlan an ni a, hamthatna dawng tura thlante hi veng/khaw tin VC te rawtna thehluh zirchian atanga thlanchhuah an ni.