2827/2026-2027 

Khawzawl, dated 26th October, 2026 : Vawiin khan Khawzawl Deputy Commissioner Office huaihawtin Khawzawl District Village Council Intawhkhawm Pui neih a ni a. He hun hi thawh hniha then niin, chawhma lamah football inelna neih a ni a, chawhnu-ah sawrkar department hrang hrang tangkawpin awareness campaign hun hman a ni.

Football inelna hi Mualvawm Field-ah neih niin, Village Council member-te chu group hrang hranga then an ni a. He hunah hian Khawzawl DC Pu K. Vanlalthiana chuan thu sawiin, he Intawhkhawm Pui atang hian thawhho pawimawhzia an zir chhuah a beisei thu a sawi a. Khawtlang leh ram siam tur chuan VC-te an tanrual a pawimawh thu sawiin, a hnufual deuhte pawhin a tithate umpha turin a fuih. 

Chawhnu lamah thawh hnihna awareness campaign hun DC Bangla-ah hman niin, he hunah hian District Agriculture Officer Pi Lallawmzuali chuan nihawi chin uar turin leh, tel thar hnema, tel-a intodelh nih tum turin kalkhawmte a fuih a. District Horticulture Officer Pu Henry Lalremruata Varte chuan lei tha leh damdawi hman dan dik zirtirna a pe bawk a. PHED Sr. Executive Engineer, Er. Liantluanga Chohte chuan tui connection enkawl that te, tuihna tih pun te leh faina kawnga hma kan sawn zel a pawimawh thu a sawi. Khawzawl KVK Head Dr. Malsawmkimi pawhin damdawi leh chemical tel lova thlai chin pawimawhna zirtirna a pe bawk. Medical Superintendent Dr. Albert Lalhminghlua chuan HIV chungchang zirtirna pein, he natna do kawnga thawhpuiah VC member-te a sawm. 

DC Bangla-ah hian District Hospital, Khawzawl buatsaihin Integrated Health Check-up neih a ni a, test chi hrang hrang a thlawnin kalkhawmten an ti thei a ni.