4926/2025-2026 

Dated Khawzawl, 19th March, 2026 : Vawiin chhun dar 12:00 khan DC Conference Hall, Khawzawlah District Water & Sanitation Mission Review Meeting, Pu K. Vanlalthiana, Deputy Commissioner & Chairman DWSM hovin neih a ni.

Bawrhsap chuan Member te hnenah lawmthu sawiin Meeting pawimawh tak a nih thu a sawi a, Er. Liantluanga Chohte, Sr. Executive Engineer, PHED & Member Secretary DWSM. Khawzawl District chuan Jal Mahotsav Pakhwada 2026 ( 8 – 23 March, 2026) activities hrang hrang neih tawh te chu Power Point presentation hmangin a entir a, hmalak leh zelna tur hmachhawpte sawiho nghal a ni.

Er. Freddy Vanlalmuanawma, SDO & Convener DTU, Khawzawl District chuan District Techinical Unit (DTU)-in DTU Assessment chungchanga hmalakna report pein, District chhunga khaw thlan bik siam a, Tui Meter vuah theihna turin Convergence plan siam chu DC Office-in hma la turin rawt a ni a. Khaw tina Field Testing Kit (FTK) an neih theih nan Convergence Plan siam tha an ti bawk a ni. District Water Source Sustainable Plan chu line Department-in an siam ang a, DWSM meeting leh hun remchangah pawm theih tura chhawpchhuah a ni ang.

Ni 23 March 2026 ah Jal Mahotsav Pakhwada kharna leh World Water Day chu ropui taka hman tum a ni a. Hemi hunah hian Jal Mahotsav Pakhwada chhunga khaw hrang hrang hmalaknate thlirho a ni ang.