4927/2025-2026  

Dated Aizawl, the 19th March, 2026: Nimin, March ni 18, 2026 khan Mizoram State Project Monitoring Committee (MSPMC) Inspecting Team chuan Pu R. Lal Rinawma, Vice Chairman, MSPMC hovin Sairang Dinthar-a CAMPA fund hmanga hnathawh hrang hrangte an endik.

Steering Committee of State Authority of CAMPA, Mizoram State thurel bawhzui a, Finance Department leh Planning & Programme Implementation Department thuchhuak angin Mizoram State Project Monitoring Committee chu Mizoram State CAMPA fund hman dan endik tura ruat a ni a. MSPMC chuan Mizoram State CAMPA fund atanga hnathawh kal mek leh sum hman dante (list of activities, utilisation of fund) te dilin a zirchiang a. Chumi hnuaia Field Inspection hmasa ber neihna atan Central Nursery, Sairang Dinthar chu a thlang ta a ni.

MSPMC Inpecting Team te hnathawh endik chu -

1.  Repair, Renovation & Improvement of Orchidarium, Sairang (Sairang-a nauban chinna hmun siamthat hna)

2.  Upgradation & Maintenance of Interpretation Centre (Thing leh hnim chi hrang hrang chungchang sawifiahna hmun tihchangtlun leh enkawl hna) te an ni.

MSPMC Inspecting Team-te hian sum hman dan leh hnathawhte a inphu em tih leh an hnathawh a tling tha em tih a hmunah uluk leh chik takin an endik a. An report hi Mizoram Sorkarah an la thehlut leh dawn a ni.

Vice Chairman, MSPMC hi MSPMC Members - Prof. Chawngsailova,  Pu P.C Malsawma, Pi Lalremsangi Fanai,  Pi Ngurmawii Sailo te bakah  Pu Vannunmawia, PS to Vice Chairman te’n an tawiawm a. Aizawl Forest Division atangin Pu Lalnunsanga Khawlhring, DFO;  Pu Andrew Lalthlamuana, ACF; Pu James Thanmawia, RO leh Pu Biakchhunga, RO, Sairang leh an thawhpuite’n an lo dawngsawng a ni.