186/2026-2027

Dated Khawzawl, the 17th April, 2026 : Vawiin khan KVK Khawzawl chuan KVK Training Hall-ah Khawzawl khaw chhunga tomato chinga hma la turte hnenah training an pe a. He hun hi Dr. Malsawmkimi, Senior Scientist leh Head, KVK ni bawk chuan a kaihruai a, zirtirna a pe nghal bawk.

Pi R. Vanlalduati, Subject Matter Specialist,(Soil Sc.) KVK Khawzawl chuan he huna lo kalkhawmte hnenah leitha inbuktawk lo pekin a nghawng tha lo thleng theite sawiin zirtirna a pe bawk a. Indian Institute of Horticulture Research (IIHR) -NEH Scheme hnuaiah tomato chi leh thlai chi dangte bakah an thlai chinte an enkawl zuina tur an sem chhuak nghal bawk.