187/2026-2027
Kolasib, 17th April, 2026 : Ministry of Tribal Affairs (MoTA), Government of India chuan Scheduled Tribes (ST) te hamthatna atana hma la tu NGO leh Voluntary Organisation (VO) te hnenah 'Aid to Voluntary Organizations Working for the Welfare of Scheduled Tribes' scheme hnuaiah Grant-in-Aid a pe thin a. He grant dilna leh endik kawngah hian tlai (delay) a awm fo thin avangin MoTA chuan FY 2026-27 atana project kal lai mek (ongoing projects) te tan hun tiam (timeline) khauh tak a siam thar.
MoTA hriattirna ang hian, he scheme hnuaia project kal lai mek (31st March 2026 thlenga grant la mek) te chuan an dilna (application) chu **NGO Grants Portal-ah ni 30th April, 2026** ral hmain an thehlut ngei tur a ni.
He hun tiam chhung hian dilna thehluh theih nan portal hi a inhawng ang a, hun a tawp hnuah erawh chuan eng thil ah pawh portal hi hawn nawn a ni tawh dawn lo a ni. Portal khar hma a thehlut hman lo te chu ngaihtuah sak an ni tawh lo ang. NGO ten dilna an thehluh hnu hian District Authority ten uluk takin an endik (scrutiny leh physical inspection) ang a, chumi hnuah State sawrkar ah thehluh chhunzawm a ni dawn a ni.
Chuvangin, Kolasib District chhunga NGO leh VO he scheme hnuaia tanpuina la mek te chu, hun tiam ral hmaa NGO Grants Portal-a dilna thehlut vek turin ngen leh hriattir an ni e.
