238/2025-2026
Khawzawl, dated 21st April 2025: PHE EE Er. Liantluanga Chohte chuan Khawzawl chawmtu Tuichang lui pump chhia chungchangah hetiang hian hriattirna a chhuah:
"Khawzawl khawpui chawmna Tuichang lui pump-na khawl Raw Water Pump Set 1 chu a chhiat avangin siam turin Guwahatiah thawn a ni a, Raw Water Pump Set 2 hman mek lai chu ni 18th April 2025 (Zirtawpni) zan khan harsatna a tawk leh a, theihtawpa siam that tuma beih a ni chungin siam that theih a ni rihlo a, Guwahati lamah siam tura hma lak leh nghal a ni.
Hetianga Tuichang tui pump theih a nih loh avang hian tui lamah Khawzawl mipui ten harsatna hun engemaw chen kan tawk dawna, kan tui neih ang ang renchem tur leh ruahtui hmang tangkai turin kan in ngen e.
Tui pump khawl thalo te siamtha thuai turin department chuan hma chak takin a la mek a ni. Hetiang harsatna kan tawk hi pawi kan ti hle a, Khawzawl mipuite in hriatthiamna kan ngen e."
