563/2025-2026

Khawzawl, dated 11th May 2025: GKWSS, Tuichang a raw water pumpset chhia chu tun dinhmun ah siamṭhat a la ni lo a, company engineer ten a hmunah ngei rawn kal in an rawn enfiah a, tunah hian Guwahati workshop ah siamṭhat mek a ni.

Tun dinhmun ah chuan lui hrang hrang a gravity a tui kan lak te hi kan tui sem theih awmchhun chu a lo ni ta a, ṭhâl lai anih avang leh kan lui hnâr te kan vah chereu nasat tak em avangin kan lui hnâr te a kang nasa em em a, heng kan gravity line atanga kan hmuh te dahkhawm niin mipui te hnenah rualkhai tak a semchhuah mêk zel a ni.

Hetih mek lai hian kan gravity line chhu chhia in mahni huan leh lo a lo pawt ru engemaw zat an awma, heng te avang hian Khawzawl mipui in tui kan dawn tur tamtak kan dawn theihloh phah ṭhin a ni. Heng thilsual titu te lakah hian FIR thehluh tura buaipui mêk a ni.

Khawzawl mipui ten harsatna nasa tak kan tawk a ni tih kan hria a, PHE Department chuan mipui te tui renchem tak a lo hmang chhunzawm zel tur leh van malsawmna ruahtui lo thleng tur atana ruahtui khawlna tura lo inpuahchah turin kan in ngen nghal bawk a ni.

sd-

(Executive Engineer, PHED)

Khawzawl WATSAN Division