564/2025-2026

Dated Bukpui the 12th May, 2025: Vawiin khan Health &Family Welfare Minister Pi Lalrinpuii chuan Bukpui Primary Health Center leh Serkhan, Lungmuat, Nisapui leh North Chaltlang Health and Wellness Centre-te a tlawh.

Health & Family Welfare Minister in Bukpui a tlawhna ahhian Minister hian PHC a thawktute leh khawtlang hruaitu, lo dawngsawng tute kawmin thusawina hun a hmanga. Minister chuan Bukpui Primary Centre chu an chanchin a tha zawnga alo hriat tawh thin thu leh amah ngei pawh ina hmuh a chak thin thu a sawi a, amaherawhchu hun remchang a awm thin loh avangin a duh anga hma pawhin a tlawh thei lo a ni, a ti a. Bukpui PHC in Damdawiin fai leh changtlung tak an nei chu hmuh a nuam hle a ni tiin, Kayakalp ah lawmman pakhatna an dawn te leh NQAS national an hmachhawn tawh te chu a lawmawm a tih thu a sawi a. Chutih rualin chung chu pawimawh hle mahsela damdawiin din chhan leh an rawngbawlna, damlo enkawl chu  ngaihthah lova tha taka thawk turin a chah bawk.

Health &Family Welfare Minister chuan vawiina Bukpui tlangdung khaw hrang hranga health and wellness centre te a tlawh chhan leh tun hnaia District dang a tlawn chhan sawiin ,”kan Damdawiinte tan enge kan tih ngai tihte leh  enge kan tlakchham tihte hrechianga , damlo te  tan hmun hla tak tak pan ngai lova Doctor leh thawktute leh Damdawiinte mamawh a hmun ngei a en a, thuam thar leh a ni ,”a ti.

Minister chuan Mizoram Universal Healthcare Scheme chungchang sawiin, MUHCS ah chuan in register vek turin a chah a. Thawktute pawh in damlo lokal te pawh an in register tawh em tih zawh theihnghilh lo turin a hrilh a, khawtlang hruaitute pawh an khawtlang a la in register lo te hrilhhriatna kawnga tan la thar turin a ngen a, mi harsa zual , Mizoram Universal Health Care Scheme (MUHCS )a in register na neilo te pawh an awm theih avangin an harsatnate an bialtu MLA te hnenah emaw thlen hreh lo turin khawtlang hruaitute chu a chah bawk.

Sawrkar chuan MUHCS chu mipui tan a duan a nih angin leh mi zawng zawng huapzo leh chhungkaw harsa tak takte pawhin an tangkaipui em avangin in register an tam chho zel a ni tiin, Hospital tamtak,a tira join lo te nen pawh inbiakna an nei chho zel a, a then chuan rawn zawm tharin, tun dinhmunah inbiakna an neih pui mek te pawh an awm a ni, a ti. Heng MUHCS a in register te zingah hian mi harsa zualte leh pensioners te , golden card a chuanglo leh sawrkar hnathawk nilo ten an tangkaipui zual bik takzet thu sawiin, mitinin he health care scheme tangkai tak hi an zawm ngei chu a duhthusam a ni, a ti.

Pi Lalrinpuii chuan Bukpui PHC a Doctor leh Dawmdawiina thawkte chu an Hospital an enkawl danah lawmthu hrilh in an tha te thlah lo a zaidam leh nunnem leh ngilnei taka damlo te enkawl turin a chah a. Hemi piahlamah hian khawtlang leh NGO hruaitu lo kalkhawmte hnenah chuan an khawtlang leh ram tan a thawkho turin a sawm a. Amah ngei pawh in eng party mah a en hran loh thu sawiin, vawiina kalkhawmte chu lungrual leh pheikhai rual taka thawk ho turin a chah bawk a ni.

Vawiina Minister ina Bukpui PHC a tlawh hi Damdawiin changtlung leh fai tak niin, Kum 1993 ah Primary Health Centre a hlankai a ni a.Kum 2023 leh 2024 khan Kayakalp ah lawmman pakhatna  lo dawng tawh in tunah hian NQAS ah National an face tawh bawk a final result an nghak mek a ni. Hospital MO, Dr C Lalfakzualan report a pek danin an PHC ahhian khum 10 a awm a, Bukpui chhehvel, Nisapui, North Chaltlang, Lungmuat leh Saipum atang te pawh a an pan ber a ni a. An PHC atang hian IPA leh Healthcare Bill Hospital share atangin a thlawnin damdawi an sem chhuak thin bawk.

Minister hian Bukpui PHC a tlawh pah hian Serkhan, North Chaltlang, Nisapui leh Lungmuat Health and Welness Centre, te leh Bukpui Anganwadi leh Sub Centre te tlawh in thawktuten an mamawh te an lo thlen a. Heng an thil mamawhte, a tlangpuiin Building thawmthat leh hmanraw thenkhatte chu Minister chuan ziaka lo thlen tura hrilh in a theih anga hma lakpui a tum thu a sawi bawk.

Vawiina Health &Family Welfare Minister in Bukpui tlangdung a fanna ahhian khawtlang hruaitute leh Damdawiina thawktuten Minister hi lo dawngsawngin,  Kolasib Sr CMO, Dr RK Lalthlamuana’n Minister hi a tawiawm bawk a ni.