565/2025-2026

12th May, 2025 : Vawin khan Prof. Lalnilawma Minister, DM&R  hmalakna hnuaiah   Er. Manthan Chauhan, Sr Manager, Maccaferri Geo-technical Solutions Pvt Ltd leh Dr C. Sawmliana, Chief Scientist, Council of Scientific & Industrial Research - Central Institute of Mining & Fuel Research (CSIR-CMIR) te chu Aizawl-ah chah thleng an ni a. Mithiam te hian Pukpui, Lengpui, Ngaizel phei leh Hlimen leimin/ lung tlak thinna hmun leh a hmundang him lo lai te enfiah tur leh mipui tana hmun him zawk a siamna tur kawng ruahhmanna an siam dawn a ni.

Maccaferri company hi Italian Company niin 1879 ah din tan niin tunlai a leimin dawl nan a kan hman nasat em em ‘Gabion wall’ pawh hi kum 1893 khan Maccaferri Company te hmuh chhuah a ni. Khawvel ram hmun 140 chuanga lung tlak hlauhawmna hmunah te thawm that hna an lo thawk tawh thin bawk.

Vawiin ni vek khan Er Lalhriatpuia, Aizawl District Bawrhsap kaihhruaina in Pukpui, Lengpui lungtlak hlauhawmna hmun chu enho nghal a ni a. He enho na ah hian CEO, ADDMA, PWD, DM&R Department, Geology & Mining Department, MZU a geologists, I&PR Department, V.C leh YMA, Lengpui aiawh te an tel a ni.

Naktuk hian Ngaizel leh Hlimen lungtlak hlauhawmna hmun te chu a hmunah en pui an ni ang a,  tlai lamah DM&R Minister ho a meeting neih nghal tura ruahman a ni.