181/2026-2027 

Dated Khawzawl, the 17th April, 2026 : Nimin khan Khawzawl Wildlife Division hmalaknain Rabung, Tualpui leh Khualenkhu-ah te Rainbow rooster ar no 3000 sem chhuah a ni a. Hei hi Murlen National Park hnuaia Eco-Development Activity, CSS - IDWH Scheme hnuai aṭanga kalpui a ni. 

Heng khaw pathum aṭang hian chhungkaw 60 hnenah ar note 50 zel sem chhuah a ni a, a dawngtu chhungkuate hi khaw tina Eco-Development Committee-ten an thlanchhuah te an ni. Eco-Development Committee-ah hian Khawtlang hruaitute - VC, YMA, MHIP, MUP leh Forest Department aiawh te an tel a ni. He hmalakna hian a tum ber chu Protected Area chhunga ramngaw leh nungchate an lo him leh zual theih nan leh mihringin an chenna hmun kan nek chep zel lohna tur atana ruahmanna a ni.

He Programme kaltlang hian ar note 15000 chu Murlen National Park leh Lengteng Wildlife Sanctuary hual veltu khua 13 hnenah sem chhuah tum a ni. Tun tum hi a thawkhatna a ni a, tum 5 chhungin sem zawhfel tum a ni. Ar note tluangtaka sem a nih theih nana a ṭul anga ruahmanna siamsaktu Khawzawl District Veterinary Office chungah Khawzawl Wildlife Division chuan lawmthu a sawi a ni.