1045/2026-2027 

Dated Khawzawl, the 17th June, 2026: Vawiin khan Khawzawl District Level Inspection Committee (DLIC) te chu an Chairman, Addl. Deputy Commissioner ni bawk, Pu K. Zorammuana hovin Khawzawla naupang enkawlna in, Child Care Institutions (CCIs) awmte tlawhin, an hanthawh leh hmalaknate an endik.

Khawzawla home hrang hrang awm - Khawzawl Observation Home, Exodus Boys Home leh Little Woods Girls Home te chu tlawh kual niin, CCI Staff-te chu an hnathawh chin leh an hnathawh dante, an care plan te, naupang an enkawl dante an enpui bakah hun an hman dan te an sawipui bawk a. An harsatna leh hmachhawpte, puih an ngaihna lai leh an hnathawh dana duhkhawp lohna an neih te sawipuiin inspection hlawkthlak tak neih a ni.

DLIC member-te chuan naupang harsatna hrang hrang tawkte enkawlna hmun tha a awm mai bakah a thawktuten tha taka an hna an thawk thei chu lawmawm an tih thute sawiin, theihtawp chhuaha nakin zela mi chhawrtlak leh mi rinawm ni tura naupangte kawng dika hruaia, tha taka enkawl zel turin an chah a ni.