1484/2023-2024

Khawzawl, 14th August 2023: India ramin zalenna a hmuh champha vawi 76-na lawmna hun chu Mizoram hmun hrang hrangah naktuk - August ni 15 hian hman a ni dawn a. Khawzawlah chuan Independence Day lawmna hi Khawzawl Mualvawm Field-ah neih a ni ang. He hun hi Deputy Chief Minister Pu Tawnluia chuan khuallian niin a hmanpui ang a, Parade Contigent-te hnam puanzar chibai buk a chhanglet dawn a ni.

Independence Day lawmna hi chawhma dar 9:30 ah tan tur a ni a. Parade Contigent 19 - Armed Contigent 1 leh Unarmed Contigent 18 an awm dawn a ni. I-Day puala neih inelna hrang hrang Football, Volleyball, Table Tennis, Taekwondo leh Chess a tithate hnenah lawmman sem a ni bawk ang.

Mualvawm Field-a hun hman zawh hian DC Bungalow-ah sawm bik te pualin ‘VIP at home’ neih a ni dawn bawk a ni.