1483/2023-2024

Champhai the 14th August, 2023 - India Independence Day Champha vawi-75-na lawmna Azadi Ka Amrit Mahotsav(AKA M) puala nikum 13th - 15th August, 2022 chhunga Har Ghar Tiranga Campaign hlawhtling taka neih chu kumin Independence Day vawi 76-na champha lawmna pualin kalpui leh mek a ni.

Ni 13th - 15th August, 2023 chhung hian ram leh hnam tan thahnemngaihna rilru pu chunga phur taka mahni chenna inah Hnam Puanzar zar chhuak theuh turin mitinte ngen kan ni a. Nikum angin Flag pakhat hi Rs. 20/- zel a lei tur a ni a. Champhai khaw chhung Fair Price Shop tinah flag hi lei theihin a awm a ni.

Har Ghar Tiranga pual hian vawiin khan Kahrawt Community Hall, Champhaiah Deputy Commissioner Pu James Lalrinchhana leh DIPRO Pi C. Lalremruati te kaihhruaiin Gandhi Memorial Higher Secondary School zirlaite leh zirtirtuten India Flag kengin Indian National Pledge an sawihova. India Flag hi an chenna in theuh ah Har Ghar Tiranga campaign chhungin an zar dawn a. Champhai District chhunga Sawrkar pisa leh mimal chenna inah te Campaign chhung hian hnam puanar hi zar a ni bawk.