2877/2025-2026

Khawzawl, dated 12th January 2026: Khawzawlah mock drill neih dan tur chungchangah vawiin kha DC Conference Hall, Khawzawlah Khawzawl District Disaster Management Authority (DDMA) neih a ni a, Khawzawl Bawrhsap leh DDMA Chairman ni bawk Pu K. Vanlalthiana'n a kaihruai.

State level-a mega mock exercise neih tura Khawzawla mock drill neih dan tur chu hetiang hi a ni:

Senior Secondary School

A hun: January ni 15, 2026, zing dar 9:03

Chhiatna: Lirnghing vanga kangmei (earthquake induced fire)

Khawzawl Vengthar Bazar

A hun: January ni 15, 2026, zing dar 9:05

Chhiatna: Lirnghing vanga leimin (earthquake induced landslide)

District Hospital

A hun: January ni 15, 2026, tlai dar 4:03

Chhiatna: Lirnghing vanga hospital building thenkhat chim (earthquake induced partial collapse of hospital building)

Heng mock drill hrang hrang hi District Emergency Operation Centre (DEOC) atangin buaipui a ni ang a, team chi hrang hrang - search and rescue team, evacuation team, medical response and first aid team leh a dang tam takin chanvo hrang hrang an nei ang. Thi leh inhliam zat pawh mock drill tin atan hian duan sa a ni a, a taka a thlen palh huna sawngbawl leh buaipui dan tur enchhin leh zir a ni ang. Mock drill zawh hian zing leh zanah debriefing neih a ni bawk ang.

Mock exercise hi chhiatrupna thlen thulha chetlak dan inzirna leh inenfiahna a ni a, chhiatna thleng te, thi leh hliam te, inchhanchhuah te pawh chan chawp vek a ni.