1062/2026-2027 

Dated Khawzawl, the 18th June, 2026 : Vawiin khan Khawzawlah Pluck and Pay Festival hman dan tur relin Organizing Committee chu Addl DC Pu K. Zorammuana kaihhruaiin Video Conference Room, DC Office-ah an thukhawm.

Vawiin thutkhawmah hian Pluck and Pay Festival hman dan tur programme kimchang taka rel a ni a. Event manage-tu tur thlan a nih bakah Line Department leh VCP-te hnenah mawhphurhna hrang hrang inpek a ni bawk a. July 28-30, 2026 chhungin Khawzawl district chhunga Chawngtlai leh Tualte khuaahte neih tur a ni a. Heng khuaahte hian thei leh thlai huanahte a duh apiang tan thei leh thlai rahte lawh theih a ni dawn a, kuthnathawktute thar chhuah thlai leh thei leh thil dangte phochhuahna tur stall hrang hrang siam a ni dawn bawk a. He festival-ah hian concert buatsaih a ni dawn a, zaithiam lar tak takte leh khaw chhunga zaithiamten khualzinte zaiin an awi dawn a ni.

Pluck and Pay Festival hi Tourism Department hmalaknaa buatsaih tur niin, Khawzawl district chhunga khualzin hipna leh agro-tourism tihlarna tura ruahman a ni a. He festival thil tum ber chu Khawzawl district chhunga thei leh thlai chi hrang hrang Chawngtlai sapthei, Tualte tomato leh adangte tihlara, kuthnathawktuten awlsam zawka an thil tharte an hralh theih nan leh an dinhmun chawikan nan a ni.

Vawiin thutkhawmah hian Organising Committee member thenkhat office-ah thukhawmin, a hmuna kal remchang loten Video Conference-in an zawm a ni.