1064/2026-2027

Aizawl June ni 18, 2016: Vawiin khan State Task Force for Immunization chu SAD Second Floor Hall-I ah H&FW Commissioner & Secretary Pi K. Lalrinzuali hovin an thukhawm.

He meeting-ah hian July ni 1-a Mizorama National Immunization Day hman tur atana hri danna pek (immunization) kalpui dan leh, kumin chhunga hmalakna te thlirho a ni a. Polio bikah chuan India ram chu 2014 khan Polio um bo tawhna ram a puan ni tawh mahse, Polio natna la awmna ram Pakistan te, Myanmar leh Bangladesh ten an hual avangin immunization programme hi la thlah theih a nih loh thu sawi a ni.

National Immunization Day atan hian tun dinhmunah Mizoram chhungah chenna in 268,925 tuam tawh niin, naupang kum 5 hnuai lam mi 1,02,823 an tel a ni. HPV Vaccine chungchang report-ah a lan danin 17.06.2026 thlengin Mizoramah he HPV hi mi 10,351 hnenah pek tum (target) chu 99% pek zawh tawh a ni a. Serchhip, Lawngtlai leh Siaha district ah coverage a hniam thu tarlan a ni. Vaccine coverage harsatna hrang hrang te sawilan niin, fur ruahtui tam avanga inkalpawh harsat avfang te, thu belhchian dawllo thehdarh avanga vaccine hlauh tak avang leh chhan dang hrang hrang vang a nih thu an sawi.

Meeting-ah hian district hrang hranga Immunization kalpui dan report Dr. Zoramruati Ralte, Joint Director (EPI), State Immunization Officer chuan presentation a pe a. Dr. Priscilla V, UNICEF Health Consultant chuan Lawngtlai District chhunga Zero Dose coverage chungchang a sawi a. UNDP Senior Programme Officer HPV Coverage chungchang a sawi bawk.