3685/2024-2025

6th January 2025 Khawzawl : Vawiin khan Khawzawl DC Office Auditorium-ah Khawzawl District Bawrhsap leh District Election Officer ni bawk, Pu K. Vanlalṭhiana kaihhruainain Khawzawl District a 22-Tuichang (ST) A/C Constituency tana Special Summary Revision of Photo Electoral Roll, 2025 chu tlangzarh a ni.

DC Pu K. Vanlalṭhiana chuan Photo Electoral Roll neih a nih theih nan a rim taka thawktute chungah lawmthu a sawi a, Electoral roll dik leh felfai a awm theihna turin thawktute chu fimkhur zel turin a chah a ni. Pu K. Vanlalṭhiana chuan tun dinhmunah 22-Tuichang Constituency-ah Voters an pung lo hle ni a a hriat thu sawiin, Party hrang hrang hruaitute leh tlawmngai pawlte chu 22-Tuichang Constituency a Voters an pun zel theih nan hmalakpuiah a sawm a ni.

Vawiina tlangzarh tak 22-Tuichang AC Final Electoral Roll-ah hian vote nei mipa 8,838 leh hmeichhia 8,959, an vaiin 17,797 an awm a, January ni 1, 2025 behchhan a kum tling chinte dah luh an ni. 22-Tuichang Constituency-ah hian Polling Station 37 awmin, Polling Station pakhatah voters 481 awm ang zel a chhut a ni. Ni 29 October, 2024 a Special Summary Revision of Photo Electoral Roll tlangzarh aṭanga chhutin vawiina tlangzarh tak Final Electoral Roll-ah hian voter 377 in an pung a, voters punna rate hi 0.45% a ni. 22-Tuichang Constituency-ah hian Service voter 88 an awm bawk a ni.

Vawiina 22-Tuichang AC Final Electoral Roll tlangzarhna inkhawmaah hian Election Officer Pu Timothy R. Lalhmangaiha leh SDC Pu Paul Rokima, AERO bakah Political Party hrang hrang aiawhte, NGO aiawhte leh MJA te an tel a ni.