3684/2024-2025

Dated: Mamit the 6th of January, 2025 : Vawiin khan DC Office, Taitesena Bukah Final Electoral Roll, 2025 chu Pu K.Laltlawmlova, District Election Officer leh District Bawrhsap ni bawk chuan a tlangzarh.

Pu K.Laltlawmlova, District Election Officer chuan Election Commission of India thuchhuak ang a Mizoram puma Special Summary Revision of Photo Electoral Rolls, 2025 neih zawh a nih hnuah Final Electoral Roll a hun taka tarchhuah a ni chu thawktute Election Officials ERO, AERO, DRO, BLO te chungah lawmthu a sawi a, tluang tak leh hlawhtling taka Special Summary Revision of Photo Electoral Rolls, 2025 neih a nih chhunga Village Council, Political Party, tlawmngai pawl hrang hrangte leh thutharthehdartute tawiawmnaah lawmthu sawiin, Roll felfai leh dik tak kan neih theih nana kan zavaia tanrualna leh thawhhona chu chhunzawm zel turin a sawm bawk a ni.

Final Roll tarchhuah takah hian Mamit District chhungah Mipa 33564 leh Hmeichhia 32988 a vaiin 66550 an awm a. Vote nei punna hi 1359 niin 2.08% a ni. Mamit District chhungah hian Mipa Vote nei voters 576 in an tam zawk a ni.

Mamit District chhungah Polling Station 122 awmin Assembly Constituency pathum a awm a, Mamit District chhunga Voters tlemna ber chu 3-Mamit (ST) AC, 3-Tlangkhang Polling Station voters 32 niin Voters tamna ber chu 2-Dampa (ST) AC, 17- Silsury-1 Voters 1092 an awmna a ni.

Vawiina Final Rolls tarchhuah hard copy hi Political Party hrang hrang  BJP, INC, MNF leh ZPM- te hnenah District Election Officer hian a hlan nghal a, Final Roll tarchhuahna hunah hian Elections Officials, Tlawmngaipawl aiawh, Political Party aiawhte leh thutharthehdarhtute an tel a ni.