234/2024-2025 

Khawzawl, 17th April 2024: Vawiin khan 1-Mizoram Parliamentary Constituency viltu General Observer Dr Nipun Vinayak kaihhruaiin 3rd Randomization of Polling Officials neih a ni a. District hrang hrang ten Video Conference hmangin he hun hi an chhim a, Khawzawlah pawh Bawrhsap Pu K.Lalrohlua hovin 3rd Randomisation hi neih a ni.

Vawiina neih tak 3rd Randomization hian Polling party te chu Khawzawl District-a Assembly Segment awmchhun 22-Tuichang hnuaia Polling Station hrang hrangah Computer hmanga sem darh (randomise) an ni.

22-Tuichang AS hnuaiah hian Polling Station 28 a awm a, hmeichhe hlangin an vil tur ‘All Women Managed Polling Station’ pali - Arro, Hmuncheng, Khawzawl Arro leh Khawzawl Electric Veng a awm a, thalai rualin an vil tur All Youth Managed PS pakhat - Sialhawk - II a awm bawk. Polling Party te kalna tur PS hi tih chian ni tawh mahse, April ni 18 zinga an kal chhuah dawnah chauh hrilh hriat an ni dawn a ni.