235/2024-2025 
2024 Ṭau thla ni 17: Lok Sabha Inthlanpui, 2024 inbuatsaihnaa Lawngtlai District-a inzirtirna (awareness & training) atana hman Electronic Voting Machine (EVM) leh Voter Verifiable Paper Audit Trail (VVPAT) te chu a ṭul thulha hman theih tura thlaveng (reserve) atan nizan khan first level checking, randomisation leh commissioning te tih niin, hman theih tura buatsaih fel a ni.
EVM leh VVPAT te hi nimin thleng khan polling official training-ah demonstration atan hman a ni a. EVM control unit 7, ballot unit 7 leh VVPAT 4 chu nizan khan DC Hall-ah first level checking (FLC) endikna kalpui a nih hnuah, Lawngtlai District Election Officer Pu Cheemala Siva Gopal Reddy hovin NIC Conference Hall-ah political party ai awhte hriatpuiin 1st randomisation leh 2nd randomisation tih zui a ni a. 2nd randomisation hi Returning Officer office Aizawl aṭangin khawl hmanga tih niin, Lawngtlai aṭangin video conference hmanga chhim a ni a. Randomisation hmanga thliar fel tawh sa EVM leh VVPAT te hi Lawngtlai DC Conference Hall-ah commissioning tih chhunzawm niin, EVM engineer-te'n hman theih turin an buatsaih zui nghal a ni.
EVM leh VVPAT belhnate hi Lawngtlai District chhunga assembly bial pathuma mamawh thulha hman tur thlaveng (reserve) atana dah sa belhchah nana tih a ni.

Attachment

  • Loading attachment...