236/2024-2025 

Hnahthial the 17th April 2024: Tukin zing dar 9:00 khan Hnahthial-a NIC room atangin thawh thumna len a hnuhnung ber atan Randomization of Polling Officials neih a ni a, he hun hi 1-Mizoram (ST) Parliamentary Constituency General Observer, Dr Nipun Vinayak (IAS) chuan Video Conference hmangin a telpui a, District Election Officer Pu Chuauhnuna, Addl DC Pu Zothanmawia Khiangte, Election Officer Pu Lalbiakfela, Micro Observer Dr Henry Saprinliana bakah SDC 2, Pi Betty Lalrinfeli leh Pu R Vanlalruata ten an telpui bawk.

Vawiin Randomization-ah hian Polling Official-te duty na hmun tur Poling station thliar fel a ni a, South Tuipui Assembly Segment hnuaia polling station 24 a kal tur polling team-te chu computer software hmanga thliar fel (randomize) niin Hmeichhe hlang vil polling station 2 leh thalai vil polling station 1 te chu manual a randomize an ni thung dawn a ni.

Polling Official-te duty na hmun tur thliarfel (randomised) a nih tak hnu hian South Tuipui biala duty tur te chuan naktuk hian an polling station theuh panin an chhuak dawn a, Despatch centre, Bawrhsap pisa tual zawl atangin batch 4 a inthenin zing dar 8 atangin an chhuak tan dawn a ni.