237/2024-2025
General Election to Lok Sabha, 2024 inthlan chu 19th April, 2024 ah neih tur a ni a. Hemi atan hian District Election Officer, Aizawl chuan hriattirna hetiang hian a chhuah.
Aizawl district chhungah inthlanna felfai leh thianghlim a awm zel theihna turin leh Election Commission of India in inkaihhruaina hrang hrang a siamte zawm a nih theih na turin vote thlak tawp hun atanga chhiar leta darkar 48 chhung (i.e. 17.4.2024, 5:00 PM atanga 19.4.2024, 5:00 PM thleng) hian political party leh candidate te chuan a hnuai tarlan te hi an zawm tur a ni ang.
1. Political party leh candidate te tan campaign neih phal a ni tawh lo.
2. Constituency pawn (Mizoram pawn) atanga campaign tura lo kal chu constituency a vote nei si lo te chuan constituency an chhuahsan tawh tur a ni.
3. Aurinna (loudspeaker) hman phal a ni tawh lova, District Magistrate in khapna thupek Sec. 144 CrPC hmanga a chhuah chu zawm vek tur a ni.
4. Sec. 126 of the Representation of the People Act, 1951 in a sawi angin electronic Medial Social Media leh a tlukpui dangte ah Election kaihhnawih, mipui rilru sukthlek tidanglam thei thilte tarlan/ chhuah phal a ni lo. Dan zawmlo te chu kum hnih thleng lungin tan emaw, pawisa chawi emaw, pawisa chawi leh lungin tang tura hrem theih an ni ang.
5. Inthlan ni (19.4.2024) leh a hma ni (18.4.2024)-a print media a political advertisement chhuah tur te chuan MCMC (Media Certification & Monitoring Committee) te phalna an la tur a ni.
6. Candidate emaw Party tin ten Chi leh Chi, Sakhuana, Hnam leh Hnam, etc. inkar boruak ti chhe thei lam hawiin engmah tih loh tur a ni.
7. Political Party dangte sawiselna neih a nih pawhin, Party Policies, tunhma huna an hnathawh dan (past record and work) lam hawi chauh tih tur a ni. Midang mimal nun ti bawrhbang leh ti mualpho zawngin statement siam emaw mimal thil (Personal life) chungchangah inchirh theh zawnga thil tih loh tur a ni.
8. Vote hmuh theihna turin communal feeling (chi leh chi inkar boruak) ti chhuak zawngin engmah tih loh tur ani. Biakin, Mosques, Temple leh Pathian Biakna hmundangte election propaganda atan hman loh tur a ni.
9. Hemi hun chhung hian Flying Squad Team, Static Surveillance Team, etc. ten dan bawhchhiatna a awm leh awm loh an fan kual reng dawn bakah Media Certification & Monitoring Committee (MCMC) ten Media leh Social Media te pawh ngun takin an vil reng bawk a ni.
