238/2024-2025 

Dated Serchhip, the 17 th April, 2024: Tukin zing dar 9:00 khan Serchhip -a NIC room ah Polling Party randomisation tum thumna leh a tawpna ber chu Serchhip DEO Pu David Lalthantluanga hova neih a ni a. Senior Micro Observer Pu Robert Zosangliana pawh he hunah hian a tel a ni. 

Vawiin Randomization-ah hian Polling Official-te duty na hmun tur Polling Station thliar fel a ni ta a. Serchhip District chhungah hian Assembly Segment pathum 26-Serchhip, 27-Tuikum leh 28-Hrangturzo te a awm a. Polling Station 88 awmin heng zingah hian hmeichhe hlang enkawl Women Managed Polling Station 3 (New Serchhip 3, Chhiahtlang 3 leh Chekawn); Youth Managed Polling Station 1 (Serchhip 6) leh Model Polling Station 3 (Thenzawl 3, Chhingchhip 1 leh East Lungdar 1) te an awm. Polling Station hla zual, inthlan hma ni 2 a chhuah ngai P-2 Polling Station a awm lo a ni. 

Inthlana duty tur Polling Party te hi naktuk April 18, 2024, zing dar 8 atangin Serchhip DC Office tual zawl atangin an chhuak dawn a ni. 3rd Randomisation of Polling Party hi Aizawl atangin General Observer Dr Nipun Vinayak leh RO Pi Nazuk Kumar ten an hova. Serchhipah hian DC, Adl DC Pu James Lalnithanga, EO Pu Gaston Vanlalhriatpuia leh Election Official ten Video Conference hmangin an lo chhim a ni.