1412/2026-2027 

Dated Khawzawl, the 16th July, 2026 : Khawzawl Deputy Commissioner Office, District Education Office leh Women & Child Development Department tangkawp hmalaknain Khawzawl District-ah Aadhaar Camp runpui neih mek a ni a, khawchhung veng thenkhatah kalpui tan niin, District pumah neih a ni dawn a, khaw hrang hrangah operator-te kal kualin camp buatsaih a ni dawn a ni.

Camp neih chhung hian Aadhaar address-ah Champhai District tih la chuang zawngte chu Khawzawl District-a thlak tur a ni a, District thlak bakah siamthat (update) ngai hrang hrang leh new enrolment-te a tih theih dawn bawk a ni. July 14, 2026 khan UIDAI Regional Office, Guwahati atangin Assistant Manager Pu Chinmoy Kakatia’an Camp hi a hmunah a rawn tlawh a, DC Office-ah Nodal Officer Pi Lalthanpari Khawlhring leh Pu Chinmoy Kakatia ten operator-te briefing an neihpui bawk. Camp neihna tur hun leh hmunte chu inhriattir leh a ni ang.