2036/2024-2025

Khawzawlah, dated 12th September, 2024: Vawiin chawhma dar 11:00 am khan DC Meeting Hall-ah District Consultative Committee, District Level Review Committee leh District Level Security Committee thutkhawmna neih a ni a, Additional Deputy Commissioner, Pu Lalfakzuala chairman niin hun a kaihruai.

He hunah hian invenhimna (security) chungchang te, pawisa vawn dawn te, pawisa thir mipuiin an pawm zau zawk theih nana hmalak dan tur te, bank hrang hrangin loan an pek that theih dan tur te, PMEGP hnuaia target zat pek chhuah theih dan te leh financial inclusion chungchang te sawihona hun hlawk thlak tak neih a ni a, hna hrang hrang pawh mumal takin sem a ni. Chairman Pu Lalfakzuala chuan thurel ang ang tha taka bawhzui turin a ngen a, ram hmasawn zel nan kan inpek theihna a ni tih hriain tang zel turin a fuih bawk a ni.

He hunah hian bank hrang hrang manager leh assistant manager te leh department hotute bakah VC leh YMA aiawh an tel bawk a ni.