Khawzawl ICDS Project buatsaihin Khawzawl Electric Veng YMA Hall-ah Project Level Seminar leh Mizoramin Poshan Abhiyaan hnuaia titha lawmman a dawn lawmna neih a ni.

Chawhma lama seminar neihah Pu Lalrinmuana, CDPO Khawzawl chuan Anganwadi thawktute chu hnazahawm leh mawhphurhna sang tak nena naupangte enkawltu, nu leh pate rin ngam an ni tih inhre thar leh tura chahin, rinawm leh tainm taka hnathawk thin turin a fuih aTraining petu dang Pu C. Vanlalzapa, Circle chuan Anganwadi hnathawktute mawhphurhna hrang hrang hrilhhriatna neiin, naupang an enkawl leh hnathawh thin dante inenleta a tha thei ang ber hlenchuah tuma theihtawp chhuah turin a chah a ni.

Chawhnu lamah Poshan Award lawmna neih a ni a. Poshan Award lawmna hi Anganwadi Worker-te leh Helper-te kaihhruaina hnuaiah neih a ni a. In tihhhlimna hrang hrangte neih anih hnu tlai lamah ruai kilho nghal a ni.

Vawiina Seminar leh Poshan Award lawmna hun chhim tur hian Khawzawl khawchhung bakah Chawngtlai, Tualte, Ngaizawl, Rabung, Aiduzawl, Pamchung, Khualen leh Neihdawn khua atangtein Anganwadi Worker leh Helper 120 vel an tel thei a ni.