3099/2024-2025

Khawzawl, dated 20th November 2024: Vawiin khan DC Office, Khawzawl leh District Urban Development Office (DUDO) bul tumin Khawzawlah Anti-Plastic March buatsaih a ni a, Khawzawl khawchhunga zirlai naupangte leh Sawrkar Office a thawktute an tel a ni.

Vawiin Anti-Plastic March hi Taidawnkawn atang a tan niin, march tan dawnah hian Pu Suvagya S Chandra, IAS, DUDO chuan thusawiin kawlkhawmte chu Plastic bag hmang lo hram hram tura chahin, Bazar a an kal chang pawhin paper bag emaw puan atang a siam bag hmang hram hram turin a chah a, Khawzawlin faina kawng a hma an sawn zel theihna turin kalkhawmte theihtawp chhuah turin chah a ni.

Hemi hnu hian march hi tan niin, Khawzawl Taidawnkawn atanga DC Office thleng march hi neih a ni. Vawiin a ‘Anti Plastic March’ hi Khawzawl Sanitation Task Force Committee ten an lo rel tawh bawhzui a neih niin, Khawzawl a Single Use Plastic khap a lo nih tawh bawhzuina chi khat atan a buatsaih ni.