3100/2024-2025

AIZAWL; the 20^th November, 2024: Vawiin chawhma dar 11:00 khan Aijal Club-ah  ICAR Research Centre for NEH region Mizoram, Kolasib te buatsaihin “Interface Meeting with Agriculture and Allied Sectors for  Strengthening the Agricultural Research and extension Linkages between ICAR, Govt. of Mizoram and other Stakeholders" programme hman a ni a. Animal Husbandry & Veterinary Minister  Pu C. Lalsawivunga, leh Pu H. Lalengmawia, IAS, Acting Chief Secretary te chuan khuallian leh khualzahawm niin hawnna programme an hman pui.

Interfacing hawnna thuchah sawiin khuallian Pu C.Lalsawivunga chuan Agriculture leh a kaihnawih sector te hi Mizoram economy innghahna bulpui a ni a, kan eizawnna ber leh kan nunphung nen pawh a thuk taka inzawm tlat a ni. Chuvangin vawiina  hetiang programme, kan ram economy tithang a, intodelh a, kan kuthnathawktu ten  hma an sawn zual theih nana thawhhona tur sawihona meeting pawimawh tak ICAR in a buatsaih hi ka lawm tak zet a ni, a ti. Minister chuan African Swine Fever avanga kan vawkvulhtute channa hi cheng vaibelchhe  600 chuang a ni tawh a, heng thilah pawh hiang ICAR te nen tangho a, research nei a, a vaccine siamchhuak tura chak zawk a hmalak te a tul tawh tak zet a ni. Kan ram tualto thlai, thei leh ran vulh venhim leh tihpun  te, kan leilung leh sik leh sa mil tur, thlai, thei leh ran vulh tur pawn lam atanga chawkluh tur zawnchhuah kawngah te, natna hri laka kan thlai leh ran venhim kawngah leh tunlai thiamna thar ber ber hmanga, hlawk zawk leh rang zawk thlai leh ran kan tharchhuah theih nana  hetiang sawihona (interfacing) programme hi a pawimawh tak zet a ni, tiin Agriculture leh a kaihnawih sector ten  kan ram tihhmasawn nan an hmalaknaah duhsakna a hlan bawk a ni. 
(Minister thusawi hi he link-ah hian a en theih: https://dipr.mizoram.gov.in/post/speech-of-ah-vety-minister-pu-c-lalsawivungan-on-the-occasion-of-interface-meeting-with-agriculture-and-allied-sectors-programme )

Khualzahawm Acting Chief Secretary Pu H. Lalengmawia, IAS pawhin fuihna thuchah sawiin, Agrilculture leh a kaihnawih department te hian Department mala hmalak ai chuan tanho a hmalak hian kawng tam takah hlawhtlinna a sang zawk a. Chutiang kawnga hmalakna atana vawiin programme buatsaih a ni hi a lawmawm tak zet a. Thlai, thei, sa leh sanga-ah state intodelh kan ni thei tih hi ring tlat i la, chutiang atan chuan theitawp i chhuah tlang ang u, tiin kalkhawm te a sawm bawk.

Vawiin Interfacing programme hawnna inkhawm hi Dr. S. Doley, HoRC, ICAR, Kolasib in kaihruaiin, khuallianin  Indian Council of Agricultural Research, ICAR Research Complex for NEH Region Mizoram Centre, Kolasib buatsaih, mithiam 11 te ziah  “Socio-Economic Development of Mizo Farmers through Integrated Farming System(IFS)” chu a tlangzarh nghal bawk a ni.Dr. Lalhruaipuii, Senior Scientist (Vety Microbiology) chuan lawmthu sawinain vawiin interfacing meeting  hawnna programme chu a khar ta a ni.

Hawnna programme hman zawhah hian Technical session hman niin, Session hnih a then a ni a. Sesion khatna hi  Dr. Lalnuntluangi Hmar, Dean, C.V.Sc & A.H, CAU, Selesih leh Ms. Pankaja Borah, General Manager, NABARD, Mizoram,Regional Office, Aizawl ten an  kaihhruai a. Session theme a tan “Strengthening Livestock & Fishery Research and Extension services” hman a ni a.

Lead Speakers leh an thusawi topic te chu:

1. Dr. Lalnuntluangi Hmar, Dean, CVSC, CAU, Selesih—"Role of C.V.Sc & A.H, CAU for development of Animal Husbandry & Veterinary sector in Mizoram”

2. Dr. V. Lalzarzova, Sr. V.O, Incharge Animal Feed Plant, Animal Husbandry & Veterinary Dept., Govt. ofMizoram---"Strategies for development and research need in Animal Husbandry & Veterinary sector of Mizoram”

3. Dr. Laltlanmawia, State Programme Manager, Fisheries Dept., Govt. of Mizoram—"Strategies for development and research need in Fisheries sector of Mizoram”

4. Ms Pankaja Borah, General Manager, NABARD, Mizoram Regional Office, Aizawl—"Role of NABARD in strengthening Agricultural & Allied sector in Mizoram”

Technical Session hnihna hi Dr. Shri Dhar, Dean, C.O.H, CAU, Thenzawl, Dr. H.Saithantluanga, OSD to Agriculture Minister, Govt. of Mizoram leh Pu L. Lalhmingmawia Pachuau, Additional Director, Horticulture Dept., Govt. of Mizoram ten kaihhruaiin, Theme atan : “Strengthening Agriculture, Horticulture and Sericulture Research” tih  hman a ni.

Technical Session hnihna-a Lead Speakers leh an topic te chu:

1. Dr. Shri Dhar, Dean, C.O.H, CAU, Thenzawl—"Role of C.O.H, CAU for development of Horticulture sector in Mizoram”

2. Dr. Samuel Lalliansanga, Deputy Director, Agriculture Dept., Govt. of Mizoram—"Strategies for development and research need in Agriculture sector of Mizoram“

3. Pu L. Lalhmingmawia Pachuau, Additional Director,Horticulture Dept., Govt. of izoram—"Strategies for development and research need in Horticulture sector ofMizoram”

4. Pu V. Zothansanga, Director, Sericulture Dept., Govt. of Mizoram—"Strategies for development and research need in Sericulture sector of Mizoram”