3101/2024-2025

2024 Sahmulphah thla ni 20: Vawiin khan Lunglei High Powered Committee (HPC) Vice Chairman Pu V. Malsawmtluanga MLA hovin Lunglei Venglaia flyover bridge siam ṭhat dan tur a hmunah kal chilhin en ho a ni.

Pu V. Malsawmtluanga hova Lunglei Venglaia flyover bridge en honaah hian Lunglei West bialtu MLA Pu T. Lalhlimpuia, Lunglei Municipal Council (LMC) Ward No. IV Councillor Pu R. Lalramzauva leh Lunglei Superintendent of Police Pu J. Lalmuankima te telin, Lunglei hmun laili taka awm, mihring kalna atana ṭangkai taka hman mek, kawng chung lei dawh (flyover bridge) chu duhthusama a ṭhat tawk tawh loh avangin siam ṭhat/thawm ṭhat dan tur ruahmanna siam turin a hmunah Mizoram Steel Industry te nen an enfiah a ni.

Lunglei Venglaia flyover bridge hi lirnghing leh chhiat rupna thlen palhah pawh him tawk tawh lo hlea hriat a ni a. Hei vang hian a rang lama siam ṭhat a nih theih nan hma lak niin, a hlawhtlin thuai pawh beisei a ni.

Attachment

  • Loading attachment...