2498/2023-2024

Khawzawl, 26th October 2023: Vawiin khan Khawzawl DC Meeting Hall-ah 22-Tuichang (ST) A/C Expenditure Observer Pu Shridar Dora hovin Candidate Expenditure endik tumkhatna neih a ni a. He hunah hian Candidate aiawh te bakah Accounting Team te an tel a ni.

Endiknaah hian Candidate te account bu (Candidate Expenditure Register) leh Accounting Team-in an vawn ‘Shadow Observation Register’ te chu endik a ni a. Endik hi tumhnih dang neih leh tur a ni a, October ni 31 ( Thawhlehni) leh November ni 4 ( Inrinni) hian a hmun ngaiah neih leh a ni ang. He hunah hian a duh apiang tel theih niin, candidate expenditure account hi a duh tan Re. 1 (Cheng khat) pein Returning Officer, 22-Tuichang (ST) Assembly Constituency hnen atangin lei theih a ni.