2570/2023-2024

Khawzawl, 31^st October 2023: Vawiin khan Mizoram Legislative Assembly Inthlanpui, 2023-a Khawzawl District hnuaia Assembly Constituency awmchhun 22-Tuichang (ST) A/C a Candidate te sum hman endikna hun chu Expenditure Observer Pu Shridhar Dora hovin neih a ni.

He hunah hian Expenditure Observer bakah Expenditure Monitoring Team Nodal Officer Pu Lalfakzuala, Assistant Expenditure Observer Pu C.Lalngura, Accounting Team member te bakah Candidate Expenditure Agent te an tel a. Endiknaah hian Candidate te account bu (Candidate Expenditure Register) leh Accounting Team-in an vawn ‘Shadow Observation Register’ te chu endik a ni.

Kumin Inthlanpui atan hian Election Commission of India chuan candidate tinin campaign sensovah cheng nuai sawmhnih pariat (₹ 28,00,000/-) thleng an hman a phalsak a. Endikna hi inthlan hmain ṭum thum buatsaih tur niin, a ṭum khatna hi October ni 26, 2023 khan buatsaih a lo ni tawh a. Vawiinah a ṭum hnihna buatsaih leh niin, a ṭum thumna hi November ni 4 (Inrinni) ah khian buatsaih leh tura ruahman a ni. He hunah hian a duh apiang tel theih niin, candidate expenditure account hi a duh tan Re. 1 (Cheng khat) pein Returning Officer, 22-Tuichang (ST) Assembly Constituency hnen atangin lei theih a ni.