3936/2023-2024

Khawzawl, 23rd February 2024: Khawzawl District Chapchar Kut Working Committee ni 14.02.2024 a thu khawm thurel bawhzui leh thlirletin vawiin khan Khawzawl DC Meeting Hall-ah Khawzawl District-a office hotute leh tlawmngai pawl hruaitute an thu khawm a. Chapchar Kut hmanna tura hmalakna awm tawh te thlirletin, hmachhawp hrang hrang te an sawi ho bawk.

Thutkhawm hi Pu Vabeimozachhi Chozah, SDO (Sadar) chuan a kaihruaia, inlawmna thu sawiin Working Committee thu rel te chu Member kalkhawmte hmaah a sawifiah a, he mi hnu hian rorel tan a ni. Working Committee thurel te hi Sub Hqrs YMA President Pu PC Rosiama leh Secretary Pu JH Vanlaltluanga ten an sawifiah bawk a ni.

Chapchar Kut hi March ni 1, 2024 khian Sub-Hqrs YMA Field, Khawzawlah hman a ni dawn a. Kut pa atan Deputy Govt. Chief Whip, 22-Tuichang AC bialtu ni bawk Pu W. Chhuanawma sawm a ni a, Khawzawl Bawrhsap Pu K.Lalrohlua chu Kut Thlengtu a ni ang. Chapchar Kut lawmnaah hian YMA Branch hrang hrang ten Cheraw an entir ang a, hla do chham, mal zai, Mizo lam chi hrang hrang leh mi zawn inchuhte a hun hman tura ruahman a ni.