3935/2023-2024

Dated Serchhip, the 23rd February, 2024: Vawiin khan Serchhip District Sports Committee chu an Chairman Pu David Lalthantluanga, DC hovin an thukhawm.

Chairman chuan Serchhip District chhungah Infiam mite kaihruaitu Sports Association hrang hrang nung taka a ding chu lawmawm a tih thu a sawi a. Hmasawn tura theihtawp chhuah a, infiammi tha tak chherchhuaktu leh kaihruaitu ni zel thei turin duhsakna a hlan a ni.

Pu Vanlalhruaia, Asst. Secretary chuan report pe in Serchhip District Sports Committee in a pawmpui pawl 20 a awm tih a sawi a. Heng pawl hrang hrangte hnenah hian sawrkar atanga tanpuina sum pekchhuah a nih thin thu a sawi. Mizo Indegenious Games, Serchhip District in dilna an thehluh chu ngaihtuah sak niin Serchhip District Sports Committee hnuaia ziahluh an ni nghal a ni. SDSC Sports Complex ram chu a theih anga sawrkarah Land Lease siam nise an ti bawk a ni.

Meetingah hian Pi Rebecca Laldinmawii Hrahsel, SDO(S) leh District Sport & Youth Officer leh Secretary ni bawkte bakah ex-officio te leh memberte an tel a ni.