Vawiin chawhma khan Commerce and Industries Department  buatsaihin Joint YMA Hall, Khawzawl Zuchhip Veng-ah NLUP 3^rdPhase(Final Instalment),4^th Phase (Second Instalment) leh NLUP-NEDP Convergence (First Instalment) Tuichang Cluster huamchhunga  beneficiary-te hnenah tanpuina sem a ni. 

NLUP semna inkhawm hi Pu R.Laltanzuala, Functional Manager, District Industries Centre (DIC) Champhaiin  a kaihruaia. Pu Lalremthanga, Skill Worker-in report tlangpui pein kalkhawmte hriattur tulte a sawi a. Pi Lalthangveli DIC Staff-in lawmthu sawiin hun a khar a ni. 

Vawiina NLUP leh NLUP-NEDP tanpuina sem chhuah takah hian 3^rd Phase Final Instalment hnuaia Trade hrang hrang 9 dawngtu Beneficiary mi 76 te hnenah cheng nuai sawmhnih pahnih singkhat sanghnih leh zanga (Rs 22,12,500/-) sem a ni a. Fourth Phase Second Instalment hnuaia Trade hrang hrang  10 dawngtu Beneficiary mi 41 te hnenah cheng nuai sawm pakua singriat leh sang sarih ( Rs 19,87,000/-) sem niin NLUP-NEDP Convergence hnuaia Trade hrang hrang 2 dawngtu Beneficiary mi 3 te hnenah cheng nuai khat leh singnga ( Rs 1,50,000/-) sem chhuah a ni bawk. Vawiina NLUP leh NLUP-NEDP Convergence hnuaia tanpuina  dawngtu Beneficiary mi 154 hnena sem chhuah  hi avaiin cheng nuai sawmnga pathum singthum leh zanga (Rs 53,30,500/-) a ni a. NLUP-NEDP Convergence hnuaia tanpuina hi pawisa faia sem  niin NLUP hnuaia tanpuina sum hi Direct Benefit Transfer hmangin   Beneficiary-te Bank Account theuhah thun a ni.

Vawiin vek hian 4^th Phase final Instalment hnuaia beneficiary 34 leh an dawn tur cheng nuai kua singriat leh sangkhat ( Rs 9,81,000/-) -te chu an hming ziah luha sign fel tir nghal a ni bawk a. VLNC ten an hnathawh leh hmalaknate lo vilin dawng tlaka an hriatte chu Commerce and Industries lama hotute hnenah hriattirin chumi mil chuan tanpuina sum pek chhunzawm chauh tur an ni ang.