2467/2024-2025

Khawzawl, dated 10th October, 2024: Vawiin chawhnu dar 1:00 p.m khan DCSO, Khawzawl bul tumin Electric YMA Hall, Khawzawlah Consumer Awareness Campaign leh Retailer Training neih a ni.

He inkhawmah hian Pu J. Vanlalchhuanga, DCSO, Khawzawl chuan FCS & CA Department chu mipuite hnena buhfai semtu chauh nilovin an dikna chanvo an chan theihna atana sulsutu leh an thlavang hauhtu Nodal Department an nih thu sawiin chumi atana dan leh hrai, mipuiten an hriat tur pawimawh tak tak a sawi. Sawrkarin mipuite chanvo a hek loh nan tiin Retailer Margin pawh a tipung a. Chuvangin, buk dik taka mipuite hnena buhfai pek chhuah chu Retailer te tih mak mawh a ni a ti.

He inkhawm hi Pu Lalramhluna, Inspector, FCS & CA Khawzawl SDC-in a kaihruai a, mithiamten Retailer Online Transaction kalphung leh e-POS machine hman dan tur kal khawmte hi an zirtir bawk a ni.