2468/2024-2025

Lunglei the 10th, Khuangchawi Thla, 2024: Vawiin chawhnu khan Lunglei Municipal Council Vice Chairman Pu K. Lalrinawma kaihhruaiin Board of Council Hall, Convention Centre Lungleiah Traffic & Transport Co-ordination Committee (TTCC) meeting neih a ni.

Meeting ah hian The Lunglei Municipal Council (Control of Parking and Parking Fees) Regulations,2024 section 8 in thuneihna a pek angin mipui himna tur leh lirthei dahdan mumal zawk a enkawl anih theih nan leh mipui him tlanna  turin garage nei lote, vantlang hmun a mahni remchan dan ang ang a dah thin hian vantlang tan himlohna tam tak a thlen mek avangin vantlang hmun awl, a bikin LMC parking tender area tih loh chu parking zone (safe zone) leh No parking zone ah then a siam fel alo ni ta a. No parking zone a lirthei dah luite chawitir an ni tawh ang a, parking zone siamah chauh lirthei dah tawh tur a ni ang, lirthei neituten a thla bi in a dah man an chawi ve tawh thung ang. He thupek hi Dt.25.09.2024 atang a hman tur a ni. Local Council in parking zone   an siam te paih ngai a awm em tih te enho nise. LMC leh LC in parking leh No parking hmunah te motor an dah leh dah lo surprise checking neih thin nise. Inrinni a Sobji Bazar a motor luh hun chu  zing dar 10 ni thin chu dar ah 11 pawh sei  nise .  LMC in a SP a one way kawng hmalak sak tur an thlen te an hmalak tawh na te an thlir ho a ni. Passenger phur lirthei ah Vehicle Location Trecking Device vuah vek tur tih chu DTO hmalak tur tih a ni.

Meeting ah hian Councillor Ward No IV LMC, CEO, LMC, Secretary, LMC, Addl. SP, EE, PWD, DTO, YMA Sub Hqrs, O.C Traffic leh sawmbik  Pu C. Lalruatpuia te an el a ni.