637/2024-2025

Khawzawl, 1st June 2024: Lok Sabha Inthlanpui 2024-a vote tlate chhiar tura inbuatsaihna kal zelah vawiin khan Khawzawl DC Auditorium-ah Political Party aiawh Counting Agent te tan Training buatsaih a ni a. Khawzawl District Election Officer Pu K. Lalrohlua hovin training hi neih a ni.

Khawzawl Bawrhsap Pu K. Lalrohlua chuan MLA Inthlanpui 2023 leh MP Inthlanpui 2024 tluang taka neih a nih theihna atan a Political Party te thlawpna tha tak an hmuh avangin lawmthu a sawi a.  Political Party aiawh Counting Agent kalkhawmte chu vote chhiar niah a hun taka thleng tur leh tluang taka vote chhiar a nih theih nan official-te thawhpui thiam turin a ngen bawk a ni.

He hunah hian State Level Master Trainer Pi V. Lalmuanpuii, Project Director, DRDO; Pu Timothy R. Lalhmangaiha, Election Officer leh District Level Master Trainer Pu Elijah LH Sanga, SDC ten Couting Agent te hi an mawhphurhna leh tih tur hrang hrang te an hrilhfiah a ni.

Lok Sabha Inthlanpui 2024-a vote tlate hi June ni 4 khian chhiar a ni dawn a. Khawzawl District hnuaia Assembly Segment awm chhun 22-Tuichanga vote tlate hi Khawzawl DC Auditorium-ah zing dar 08:00 atanga chhiar tan a ni ang.