2917/2023-2024

Khawzawl, 2nd December 2023: Vawiin khan Khawzawl DC Conference Hall-ah Mizoram Inthlanpui 2023-a Tuichang biala vote tla te chhiar tura ruat Counting Official-te tan training thawhhnihna buatsaih a ni.

He hunah hian State Level Master Trainer Pi V. Lalmuanpuii, Project Director DRDO leh Pu Lalthakima Chhangte, BDO Khawzawl ten kalkhawmte hi vote chhiar nia an mawhphurhna hrang hrang te an hrilhfiah a. Electronic Voting Machine khawih chhinna (EVM hands on) leh form pawimawh hrang hrang te ziah dan tur te neih a ni.

22-Tuichang biala vote tla te hi Khawzawl DC Conference Hall-ah chhiar a ni dawn a. Dawhkan 14 ruahman niin thawhhnihah Polling Station 28 a vote tla te hi chhiar zawh tum a ni.

Vote chhiar tur hian Counting Supervisor 20, Counting Assistant 22, Counting Micro Observer 20 ruat an ni a, Political Party tin ten Counting Agent 15 theuh an nei ang a. Counting Official-te thutna tur tichiang turin naktuk (December ni 3, 2023) hian 2nd randomization neih a ni ang.