2918/2023-2024

Khawzawl, 2nd December 2023: Nimin (1.12.2023) khan Khawzawl DC Office Chamber-ah Krismas leh Kumthar vuakveta dan leh thupek kenkawh dan tur meeting neih a ni a. Meeting hi Pu K. Lalrohlua, Khawzawl District Bawrhsapin kaihhruaiin Krismas 2023 leh Kumthar 2024 vuakveta Khawzawl Town chhunga Dan leh Hrai kenkawh dan tur bawhzui nana meeting koh a nih thu member-te a hriattir a. Kum 2022-a meeting lo neih tawhnate en let leh niin sawiho nghal a ni.
Member ten zau taka sawihona an neih hnuah hetiang hian thu an rel a ni :

1. PROHIBITORY ORDER: Hunpui vuakvetah puakthei thil heng - silai lem a mu nei, halpuah, halmawi, sky lantern leh a dangte khap leh tur a ni a, khapna order hi Sub Divisional Officer (Sadar) in lo chhuah se tih a ni.

2. DUTY POST SIAM THU: Kuminah chuan Police-ten Khawzawl khawpui chhung hmun 3 ah duty post siam tura ruahman a ni a, a bak zawng VC ten NGO-te nen Duty post an siam ang. Awlsam zawka information inpek a nih theih nan duty post-a mawhphurtute contact no. 3 tal DC hnenah report tur a ni.

3. Village Defence Party (VDP): Intuaithar leh tura ngenna leh mahni veng theuha lo duty ve turin DC Office atanga siam ni se, tih a ni a, duty-na tur hmun hi VC te kuta dah nise tih a ni.

4. MUALVAWM CHUNGCHANG: Mualvawm leh a chhehvel enkawl turin SP leh Darngawn VC te ruat an ni a, Mualvawma khelmual pawh ni  25-26, 31 December, 2023 leh ni 1-2, January, 2024 tlai dar 2PM - 5PM thlenga hawng thin tura KZDFA te ngen ni se tih a ni, zuk leh hmuam leh eiturte kenluh khap tur a ni a, ground venhim pawh KZDFA te kutah awm se tia dah a ni. Tin, Mualvawma bridge enho a cheithat dan ngaihtuah turin DC Office leh Darngawn VC te ruat an ni.

5. FAINA CHUNGCHANG : Khawzawla hmun pawimawh Helipad tlang leh a chhehvelte Zuchhip VC leh ZPM Tuichang North Block thalaiten anlo tihfai tawh avangin committee hian lawmthu an sawi a. Hunpui vuakvet chhung hian Mualvawm chhehvel hmun hrang hrangah UD&PA Dept. ten bawlhhlawh paihna tur dustbin dah tur leh a tihfai leh pawh lo buaipui tura ruat an ni a. Helipad leh a chhehvel him leh thing awmte tifai turin BDO ruat an ni bawk a ni. Heng bawhzui ngaite hi DC Khawzawl kut a dah a ni.

6. MAGISTRATE LEH POLICE: Duty post hrang hrang te hi hunpui vuakvet chhungin Magistrate leh Police ten an tlawh thin ang.

Committee chuan Khawzawl mipuiten hlim tak leh thlamuang taka hunpui an hman an duh a, amaherawhchu ruihhlo leh dan phallohte chu khauh taka khap tlat nise a ti a ni. Tin, ruihhlo dona turin DC Khawzawl chuan Joint VC leh SP, Khawzawl te hnenah pawisafai cheng 10,000/-(singkhat) ve ve a hlan bawk a ni.

Meeting-ah hian Khawzawl SP Pu Lalchhuanthanga, DIPRO Lalchhuanawma Ralte te bakah NGO leh Village Council hruaitute an tel a ni.