1027/2025-2026

Khawzawl, dated 2nd July 2025: Vawiin chawhnu dar 1 khan DC Video Conference Hall, Khawzawlah District AIDS Prevention & Control Committee (DAPCC) meeting neih a ni a, Khawzawl Bawrhsap, Pu K. Vanlalthiana’n a kaihruai.

He hunah hian Khawzawl District chhung a class VIII, IX & XI (Govt., Govt. Aided leh Private school) zirlaite tan “Red Ribbon School Quiz Competition” neih hun tur rel a ni a. August ni 18 atanga ni 20, 2025 chhung hian School Level Quiz Competion neih tura rel niin, September ni 3, 2025-ah District Level Quiz Competition neih tura rel a ni. Chairman Pu K. Vanlalthiana chuan he hmalakna hi naupangte tana thiamna leh inelna lama hmalakna hlawkthlak tak a nih mai bakah AIDS hlauhawmzia an hriatna leh inven fimkhur an zirna a nih ngei a beisei thu a sawi a ni.

He hunah hian Addl. SP, SDO (Sadar), Chief Medical Officer, District Education Officer, Sr. Medical Officer, President Sub Hqrs YMA leh Counsellor, ICTC te an tel a ni.