4147/2023-2024

Khawzawl 13th March 2024: Vawiin khan UD&PA hnuai a buatsaih ni thum awh tur DAY-NULM Festival,Kutthemthiam thil pho chhuahna leh zawrh chhuahna hun pui chu Addl DC Pu Lalfakzualan Khawzawl Govt Little Flower School ah a hawng.

Addl DC Pu Lalfakzuala chuan DAY NULM Festival buatsaih a nih chu lawmawm a tih thu sawiin, he DAY- NULM hnuaia beneficiary stall hrang hrang a rawn in phochhuak te hi mipuiin an hlut a pawimawh a ni ti a,an thil zawrh chhuahte hi man man zawka an hralh theihnan leh an them thiamna te tih puna awm zel theih nan a tam thei ang berin he Fest hi an chhim a tul a ni a ti.

Chief Guest chuan March 7th khan Tribal Artisan Empanelment Mela DC Auditorium a neih lo nih tawh thu sawiin ,he hunah hian ah Self Help atangin mi 50 chuang zet rural leh urban atanga chah khawm an lo ni tawh a.An thil siam te rawn kengin a sample te chu TRIFED, Regional Office Guwahati ah tam zawk a hralh chhuah theihturin endik tura kenthlak a lo ni tawh bawk a ni a ti.

DAY-NULM hi UD&PA hnuaia Central scheme pakhat niin Khawpuia cheng mi harsa leh dinhmun hniam zawk ten an thiamthil neihte hmanga dinhmun tha zawk leh eizawnna tha zawk an lo neih theih nan a kal pui a ni a.Khawzawlah hian tun dinhmunah Self help group hi 39 awm mekin,Street vendors official a in ziak lut hi 68 a awm bawk a. Beneficiaries 1000 chuang an awm tawh ni a hriat a ni bawk.

Vawiina hawn tak DAY-NULM Festival ah hian stall 23 awmin, Self Help Group ten stall 12 an luah a, Employment through Skill Training and Placement(ESTP) UD&PA hnuaia thiamthil zir chhuak ten stall 8 luah in, abak stall 3 te chu street vendors ten an luah a, heng an thil zawrh te hi a duh apiang tan lei theih tur a pho chuuah a ni. He Festival hian 13th March atanga 16th March thleng a awh dawn a ni.

Vawiina DAY-NULM Festival hawnna Programme hi Pu Vabeimozachhi Chozah, DUDO,UD&PA Dept,Khawzawl in kaihruaii in,Pi Mimi Lalringheti,City Mission Manager, DAY-NULM,UD&PA Dept,Khawzawl hnen atangin Success stories te ngaihthlak a ni bawk.