4148/2023-2024

Khawzawl, 13th March 2024: Vawiin khan Krishi Vigyan Kendra, Khawzswl leh ICAR-Central Potato Research Institute, Shillong te tangkawp chuan Khawhai khua- Tawitawzawl Zauah ‘Field Day on Potato’ an hmang a. He hun hi Dr Malsawmkimi, Sr Scientist and Head, KVK Khawzawlin kaihruaiin; CPRI, Shillong atangin Senior Scientist Dr Ngursangzuala leh Pi Lalhmachhuani, District Development Manager, NABARD te pawhin he hun hi an hman pui a ni.

Tawitawzawl zauah hian tunhmain Alu an ching ngai loa. January 2023 atang khan KVK chuan Potato Variety Kufri Megha chu CPRI nen tangkawpin an lo chin tir tawh a. Zirtirna te pein, a hmunah an enkawl pui bawk a. A bul tanna atan mi 4 in an chin hnuah, December 2023 atang khan mi 20 te chin tir leh an ni a. Hectare 18 vela zauah Alu chin a ni a, Alu quintal 105 chin zingah hian - quintal 75 hi IARI( ICAR) hnuaia mi a ni a, quintal 30 hi CPRI Shillong kal tlanga chin a ni thung. Variety an chin tir hi Kufri Jyoti, Kufri Pukraj( thlasik leh nipuia chin chi variety) leh Kufri Chipsona te an ni.

KVK Khawzawl te hian alu an chin leh huna an buai loh nan loneitute alu tharchhuah hi Khawzawl KVK Complex-a Cold Storage-ah enge mawzat dah that sak an tum a. Alu 500 quintal tal chu Tawitawzawl zau atang hian thar chhuah an in beisei a ni.