1689/2024-2025

Khawzawl, dated 22nd August, 2024: Vawiin zing dar 11:00 am khan DC Meeting Hall-ah Khawzawl Deputy Commissioner, Pu K. Vanlalthiana hovin Narco Coordination Centre (NCORD) chungchangah meeting neih a ni.

He hunah hian district chhunga ruihhlo do nana hmalakna hrang hrang, school lama awareness lo kalpui tawh te leh department leh tlawmngai tangkawp thuthona lo neih tawh te sawi a ni a, harsatna an tawh te, indaihlohna leh mamawh zawngte sawi ho a ni bawk. Awareness siam nan social media-ah tan laka, ruihhlo ngai mek te tanpui theih dan hrang hrang rel a ni bawk. DC Pu K. Vanlalthiana chuan sawihona hun tha tak an neih theih avangin lawmthu a sawi a, ruihhlo do zel nan leh thailai te kan chhanchhuah zel theih nan tan la a theihtawpa an thawh tawh ang ang te thawk chhunzawmin hmalakna thar tha hmang tangkai zel turin a fuih bawk.

He hunah hian MHIP te, Family Guidance and Counselling Centre te, CMO te, Khawzawl SP Office aiawh te an tel bawk a ni.

NCORD hi 2016 a Ministry of Home Affairs in ruihhlo do chungchanga central leh state sawrkar inkungkaihna tha zawk a awm nana a duan a ni a, ruihhlo ngai te tanpuina pek leh ruihhlo laka mipui inven fimkhur zirtir hi an tum ber a ni.