1675/2024-2025

Khawzawl, dated 21st August, 2024: Vawiin zing dar 11:00 am khan DC Office kawtah 100 Days Awareness Campaign under SANKALP : HEW hnuaiah Tree Plantation Drive neih a ni a, Khawzawl Deputy Commissioner, Pu K. Vanlalthiana chu khuallian niin Tree Plantation Drive hawn nan thing a phun.

DC Pu K. Vanlalthiana chuan boruak thianghlim lo telh telh karah hetiang hmalakna awm hi lawmawm a ti a, mipui leh a bikin naupang ten ram humhalh pawimawh zia an hriat phah nan he hmalakna hi a hlawhtlin ngei a beisei thu a sawi bawk. Thusawi zawhah hian DC Office kawt bulah thing a phun a, thawktu dangin thing 4 an phun belh bawk a ni.

100 Days Awareness Campaign under SANKALP hi Women and Child Development department hnuaia kal mek a ni a, June ni 21 atanga October ni 4 thleng kal tura duan a ni. State leh district office hrang hrangin scheme leh programme chungchang awareness siamin activity hrang hrang an kalpui mek a ni.